Wobdźěl so prošu a zdźěl nam swoje ideje.*
wróćo dale

Dotalny fachowy dźeń stanje so z wotewrjenym forumom za naše šule z wučbu po koncepće 2plus

Zhromadnje z wami chcemy nowe perspektiwy za naše šule jako stajny proces wuwiwać a za móžnosćemi pytać, wšědne dźěło wolóžować a polěpšować. Forum je městno za najwšelakoriše měnjenja a je žiwy přez wuměnu a wobdźělenje.

Naša tema: Teamowe dźěło a šule přichoda

Tuchwilu mamy tójšto infrastrukturelnych a personelnych njedostatkow, z kotrymiž mamy wšědnje wojować. Chcemy z wami wo nowych formach zhromadneho dźěła wuradźować a nowe ideje za naše šule wuwiwać.

Naš hłowny hósć: Walter Heilmann z Kölna

Walter Heilmann je poradźowar za teamowe dźěło a šulotwar. Wón předstaji nam na praktiskich přikładach, kak hodźa so wšědne problemy na statnych šulach z inowatiwnymi pedagogiskimi konceptami a konsekwentnym teamowym dźěłom rozrisać.

Je nam swój impulsowy přednošk k temje hižo w předpolu jako widejo k dispoziciji stajił. Chcemy wam z tym móžnosć skićić, nam waše prěnje mysle k temje posrědkować. Smy jara wćipni na waš sprawny a přiwšěm anonymny feedback.

Wjeselimy so, waše mysle a prašenja z knjezom Heilmanom a z wami na forumje w Chrósćicach debatować.

A što měniš ty k temje Waltera Heilmanna?*
wróćo dale

Dalša wažna tema na předwječoru foruma: Šulotwar

Walter Heilmann předstaji nam w sćěhowacymaj widejomaj tež nowe šulotwarske koncepty. Zdobom zhonimy, kak móžemy so my jako direktnje potrjecheni přez tak mjenowanu fazu nul na tutych procesach wobdźělić.

2. dźěl | Žadanja na načasnu šulsku architekuru

3. dźěl | Faza nul - wupruwowane procesy za šulu a šulskich nošerjow

Naš program

pjatk, 05.11.2021

19.00 hodź. Komunikacija w předpolu twarskich naprawow w kubłanišćach

z hłownym přednošowarjom Walter Heilmannom

sobotu, 06.11.2021

wot 08.00 hodź. přijězd | witanje
09:00 hodź. zahajenje│powitanje
moderacija: Beno Bělk
09.05 hodź. postrowne słowa
Kerstin Wittig I Sakske statne ministerstwo za kultus
09.30 hodź. - 10.30 hodź. Walter Heilmann I něhdyši šulski nawoda a poradźowar za šulotwar I Köln

Wuspěšne dźěło w šuli na zakładźe skutkowanja w teamje

10.30 hodź. - 11.15 hodź. přestawka ze zastaranjom a móžnosću k bjesadźe
11.15 hodź. - 12.45 hodź.

diskusijnej kole a runočasnje dźěłarnički:

  blido 1 Wuspěšne dźěło w šuli na zakładźe skutkowanja w teamje I Walter Heilmann, Beno Hoyer
  blido 2 Wuknjenska wokolina I Wolfgang Goldstein, Jan Hrjehor
  dźěłarnička 1 Daniela Knoblichowa I Krajny zarjad za šulu a kubłanje
Materialowa zběrka k podpěrje dwurěčneje serbsko-němskeje wučby w zakładnej šuli - předstajenje noweho rjadowaka
  dźěłarnička 2 Šćěpan Hanuš I Diana Šołćina
Dźěło z wuknjenskimi kartami
  dźěłarnička 3 Milenka Cyžowa I Michał Cyž
Dźěło z bookii-pisakom
12.45 hodź. - 13.15 hodź. prezentacija wuslědkow diskusijow a dźěłarničkow
13.15 hodź. - 13.30 hodź. dźak a rozžohnowanje

dalše wobsahi k našim temam

pedagogiske koncepty

Krizy maja we sebi tež šansy! W času Chróšćanskeho zběžka před 20 lětami je so w Serbach pod titulom "Wěteńčanska initiatiwa" rjad inowatiwnych pedagogiskich konceptow diskutował. Što z toho da so pod wliwom digitalizacije, inkluzije a strukturneje změny na dobro našich šulow zaso wožiwić a we wobstejacych strukturach zeskutkownić?

dale čitać

teamowe dźěło

Wučerka a wučer staj husto na so stajenaj. W času kompleksnych wužadanjow wobsteji móžnosć, zo to mocy jendnotliwca přežada. Što potom? Zhromadnje smy sylni! Tak rěka w znatym přisłowje. Chcemy sej wuwědomić, kotre wosoby w šulskim konteksće do tuteje zhromadnosće słušeja.

dale čitać

wuknjenska wokolina

Trjebamy pola nas we wsy cyle nowu šulu? Snano haj, ale najprjedy měli sej wuwědomić, kotre wuknjenske wokoliny bychu našemu šulskemu žiwjenju a našim modernym wuwučowanskim a wuknjenskim metodam najlěpje wotpowědowali. Znajemy šule, hdźež pokaza hižo zachod přećelne mjezwočo šule, hdźež hodźa so rumnosće fleksibelnje přeměnić za skupinske dźěło abo wulki forum?

dale čitać
Image
Fachowy dźeń 2plus wuhotujetej Sakske statne ministerstwo za kultus a Krajny zarjad za šulu a kubłanje, wotnožka Budyšin, w kooperaciji z Rěčnym centrumom WITAJ.
We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.