Workshop 1: rěče-sensibelny staršiski wječor

Wučerjo su prěni narěčenscy partnerojo za staršich při njejasnosćach abo indiwiduelnych wuwićowych problemach dźěsća a maja tuž wosebitu zamołwitosć za mjezsobnosć šule a staršiskeho domu. Njekomplikowana, jasna a zrozumliwa komunikacija je za to wuměnjenje. Ale kak móžu komunikować, zo tež starši z mało rěčnymi znajomosćemi a hinašim pochadom mje zrozumja a tak problemy a njedorozumjenja zwoprědka wobeńdź? Dźěłarnička ma dać wotmołwu na tute a dalše prašenja a skići Wam móžnosć, so z druhimi koleginami a kolegami k jich nazhonjenjam wuměnjeć. Wobdźělenym předstaja so kriterije ertneje a pisomneje komunikacije ze staršimi, kotrež su za wolóžene dorozumjenje trěbne. Nimo rěčnych wužadanjow wobswětluja so tež kulturne barjery.

Angelika Bock
117. Zakładna šula Drježdźany 
Kompetečny centrum za rěčne kubłanje

Workshop 2: rěče-sensibelna fachowa wučba w sekundarnym schodźeńku 1 a 2

Wuwučowacym sposrědkuja so metody wuhotowanja wučby, z pomocu kotrež so tež dźěćom a młodostnym z mjenje rěčnymi znajomosćemi wuknjenje w regularnej rjadowni poradźić ma. Na tute wašnje ma so motiwacija šulerjow zwyšić a tak runoprawosć šansow zaručić. Dźěłarnička poda dohlad do prašenja, kak hodźi so wučba rěče-sensibelnje natwarić. Zpomocu přikładow a pokiwow ma so wobdźělnikam sposrědkować, kak móhli wučbu hladajo na dwu- abo wjacerěčnu rjadwonju wuhotować. Zhromadnje zestaja so rěčno-sensibelny material, kotryž steji po tym wšitkim wobźělnikam k dispoziciji.

Uta Reichel
101. Wyša šula Drježdźany 
Kompetečny centrum za rěčne kubłanje

Workshop 3: Und warum nochmal soll ich bitte Sorbisch lernen?

„Wot winowatostneho předmjeta k rěči wutroby“ – tutón narok zda so za předmjet serbšćiny omniprezentny a tola njedocpějomny. Tola kak so poradźi, zo dźěći a młodostni serbšćinu jenož njerady wuknyć njedyrbja, ale wot samo wuknyć chcedźa? W tutej dźěłarničce chcemy so z motiwaciju za wuknjenje mjeńšinoweje rěče zaběrać a so prašeć, kotru rólu wučba, rěč ale tež kultura a identita při tym hraja. Nimo krótkeho dohlada do motiwaciskeho slědźenja ze stron naju studentow stejitej předewšěm wuměna a refleksija wo Wašich praktiskich nazhonjenjach w pěstowarni resp. šuli w srjedźišću. Zaměr je zhromadnje zběranje a wuwiwanje impuslow, kak zmóžnjamy, zo wuknjacy serbšćinu jako žiwu a wuznamnu rěč nazhonjeja.

Sofija Brězanec
Jonas Petaš
Studenća instituta za sorabisitku Lipšćanskeje uniwersity

Workshop 4: Róla wobchadneje rěče we wučbje serbšćiny

W dźěłarničce předstaja so w krótkej prezentaciji někotre hłowne kajkosće wobchadneje rěče a z nimi zwisowace ćeže šulerjow w spisownej serbšćinje. W kruhu dźěłarnički chcemy nazhonjenja wučerjow k tutej tematice zběrać a wo tym diskutować, kak móže so wobchadna serbšćina do wučbneho plana zapřijeć a metodisce a didaktisce z wliwom wobchadneje serbšćiny při nałožowanju spisowneje serbšćiny we wučbje wobchadźeć. Tohorunja ma so tematizować, kak móža so šulerjo za reflektowanje wo rěči z jeje wšelakimi wariantami, normami a stilemi sensibilizować.

Dr. Leńka Šołčic
Dr. Jana Šołčina
Lydia Matikec
Serbski Institut Budyšin

Workshop 5:Młodźinska studija wo žiwjenskich swětach a zrozumjenju hódnotow serbsko- a němskorěčnych šulerkow a šulerjow w serbskim sydlenskim rumje Swobodneho stata Sakskeje

W ramiku dźěłarnički předstaja so wubrane wuslědki „młodźinskeje studije ke konceptej 2plus“ k žiwjenskim swětam a zrozumjenju hódnotow serbsko- a němskorěčnych šulerkow a šulerjow w serbskim sydlenskim rumje Sakskeje. Zhromadnje chcemy w dźěłarničce wo tym diskutować, kotre mysle móhli so z toho hladajo na dalewuwiće demokratiskeje šulskeje kultury na 2plus šulach wotwodźeć. 

Prof. Dr. Jonas Flöter
Lara Isecke
Uniwersita Lipsk

Workshop 6: Přihot wučby z pomocu Affinity wolóžić

W ramiku dźěłarnički so wobdźěłanje PDF-kow z pomocu programa Affinity|Designer (za wučerjow darmotne) předstaji a zwučuje. W interneće a wosebje na onlinowej-platformje TaskCards nańdu wučerjo a wučerki dźěłowe łopjena za nimale wšitke předmjety. Hustohdy pak su dźěłowe łopjena jako PDF-ka składowane abo njepředleža w serbščinje. Z Affinity je přełožowanje a wobdźěłanje tajkich dźěłowych łopjenow móžne (download Affinity za wučerjow | registrowanje Canva za šule prošu tu). 

Wuběrk dźěłowych łopjenow staji so w ramiku dźěłarnički k dispoziciji. Rady móžeće pak tež swójske přikłady w digitalnej formje pod nawodom wobdźěłać.

Dr. Beata Brězanowa
nawodnica Rěčneho centruma WITAJ

Tomaš Šołta
wěcywobdźěłar za rěčny marketing a IT-management w Rěcnym centrumje WITAJ

Workshop 7: Z prawidłami a ritualemi wučbnym mylenjam prewentiwnje zadźěwać

Poprawny potencial za redukciju mylenskeho zadźerženja njeleži we wobchadźe z mylenjemi, ale w prewentiwnym a proaktiwnym wobłuku. Prašene je při tym je předewšěm naše swójske nastajenje. We wobłuku dźěłarnički so wobdźělnicy spočatnje wuchadźejo z konkretnych swójskich přikładow za cyłotny wid na pozdatne mylenja wučby sensibilizuja, zo bychu na to nawjazujo zakłady rozrisanja wosebje přez etablěrowanje prawidłow a ritualow wuwiwali.

Robert Mintchev
Wučerski wukubłanski wustaw Drježdźany

Workshop 8: Rozjasnenje a přewod we wobchadźe z ChatGPT, deepfake a wirtuelnymi avatarami
(*1. městno inowaciskeho myta SMK "Dalekubłanje Sakskeje 2025”.)

Wot wozjewjenja ChatGPT w nowembru 2022 sem je KI naš wšědny dźeń a wosebje tón šulow runjewon na hłowu stajiła. Su domjace nadawki a starodawne pruwowanja tuž nětko obsoletne? Kak spóznawam KI-generowane teksty? Kotre wuskutki maja KI-generowane wobrazy na fake news? A kak wupada z datowym škitom abo awtorskim prawom? Kotre wobswětowe wuskutki ma KI-zasadźenje a kotre etiske prašenja to narěznje? Tute a dalše prašenja chcemy w ramiku dźěłarnički diskutować.  

Marcus Burghardt 
Social Web macht Schule

Workshop 9: Wučba z přichodom: Mnohotnosć spěchować, potenciale wotkrywać.

Dźěłarnička předstaja pedagogisku dźěłarnju "wuknjenje" Robert-Bosch-załožby, kotraž wuwučowacych podpěruje, wučbu načasnje a na šulerjow wusměrjenu dale wuwiwać. W fokusu steji při tym wuhotowanje wuknjenskich wokolinow, kotrež zmóžnja wuwiće indiwualneho potenciala jednotliwwca runje tak kaž kolaboratiwne wuknjenje w teamje. Format přewodźa Was intensiwnje při wuwiwanju nowych rólowych wobrazow k profesionalnemu wuknjenskemu přewodej a načasnemu posudźowanju wukonow. 

Ina Bretschneider
Wyša šula "Richard-von-Schlieben" Žitawa
Trainerka pedagogiskeje dźěłarnje - wuknjenje

Ingo Brebach
Wyša šula „Geschwister Scholl“ Freital-Hainsberg

Workshop 10: