Wuspěšne dźěło w šuli na zakładźe skutkowanja w teamje

Rozdźěle mjez dźěćimi su bóle mnohostronske hač je nam to wšědnje wědome. Jednotliwa pedagogiska fachowa móc njemóže tuž kóždemu dźěsću dospołnje wotpowědować. Wona trjeba podpěru multiprofesionalneho teama, zo by inkluziwnje dźěłać móhła. Teamowe dźěło bazuje na zhromadnym wědomju zamołwitosće za cyłe šulerstwo a wuwićowe procesy kóždeho jednotliweho šulerja. Organizacija přiběrajcy multiprofesionalneho teamoweho dźěła bazuje na transparency, strukturěrowanej komunikaciji a dojednanym dźělenju dźěła. Wučba, přestawki, pedagogiske dźěło w horće a w cyłodnjowskich poskitkach, powołanske poradźowanje, wosebite pedagogiske spěchowanje, šulski přewod, šulske socialne dźěło, orchester, chór, dźiwadłowa skupina abo šulska nowina trjebaja rumnosće, kotrež su fleksibelnje wužiwajomne. Moderna pedagogiska architektura ma tež narok, šulu ze socialnym rumom w jeje wokolinje zwjazać. Šula je městnosć žiwjenja a wuknjenja w komunje, na kotrejž su mnozy wobdźěleni. Tuž ma so zhromadne skutkowanje wšitkich wobdźělenych pedagogisce a architektonisce zmóžnić. Kak so to radźić móže, rozłožuje Walter Heilmann tež na praktiskich přikładach Rosenmaarschule w Kölnje.

Walter Heilmann

šulski nawoda (něhd.) a poradźowar šulotwara I Köln

Walter Heilmann je pedagoga a něhdyši nawoda šule “Rosenmaarschule” w Kölnje, kotraž je inkluziwna cyłodnjowska zakładna šula. Hižo 1980 započa tuta tak mjenowana Jenaplanska šula (tehdy rěkaše wona hišće “Peter-Petersen-Schule”), zbrašene a strowe dźěći zhromadnje wuwučować. W nadawku załožbow, kiž buchu po Carlu Friedrichu Montagu jako Montagowe załožby pomjenowane, přewodźuje Walter Heilmann jako poradźowar šulotwara “Pilotowy projekt Inkluziwne šule planować a twarić” na Statnej zhromadnej šuli we Weimaru. Wón poradźuje šule a nošerjow šulow w tu- a wukraju w prašenjach wuwića šule a šulotwara. Ćežišća při tym su procesy a struktury nastupajo wobdźělenje a sobupostajowanje kaž tež multiprofesionalne zhromadne dźěło.

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.